牙膏除左用來刷牙之外，其實仲有好多用途架！
(1) 之前番OFFICE嘅時候，日日都沖茶或者咖啡飲～ 久而久之飲到個杯入面起晒茶漬、咖啡漬，好肉酸！茶水姐姐見到我隻杯咁核突都忍唔住同我開心share ，原來佢一向喺屋企都用牙膏＋浸濕嘅百潔布 K.O. 茶漬、咖啡漬架！ 我當晚即刻拎隻杯番屋企試下 （公司冇牙膏=.= ) ~! 果然…..唧小小牙膏落浸濕嘅百潔布上面，輕輕擦下杯入面，超頑固嘅漬已經去得一乾二淨！！ 大家有需要都試下呢個簡單便捷嘅好方法吖～萬試萬靈！！ ：）
(2) 唔知大家有冇發現，屋企廁所同廚房嘅水龍頭一用得耐，就會容易留下水鏽和水垢。我地其實都可以擠些牙膏在百潔布上面 再擦洗下水龍頭～ 好快就可以將啲鏽漬清理乾淨，變番令立立 好似全新一樣～！
另外，電熨斗用耐左，底部會積一層鐵鏽。呢個時候可以點處理啲鏽漬呢？又怕照用黎燙衫會整到件衫都一撻撻啡色，愈燙愈衰！ 我地亦可以喺電熨斗斷電冷卻嘅情況下，喺底部塗上少許牙膏，然後用乾布以打圈的方式輕輕擦拭，即可將鐵鏽除去～～
同一道理，有時我地嘅銀器首飾放得耐，表面都會出現一層黑蚊蚊嘅氧化層！呢個時候又可以出動牙膏擦下銀器，話咁易就變番銀白光亮架喇！
(3) 如果你們屋企嘅小朋友唔鍾意喺紙上面畫畫，淨係成日用蠟筆喺牆上和家具上畫畫，唔駛怕! 可以試試用濕抹布沾一點牙膏，就能清除蠟筆塗鴉。
(4) 大家有冇試過 入廚房洗完條魚之後，無論用洗手液捽左幾多次，隻手都仲係有陣腥味呢? 之前有個做大廚嘅朋友同我分享，只要先用洗手液將手洗淨，再擠少少牙膏在手上反複捽幾下，再過左清水之後 啲難聞嘅腥味就會同你講BYEBYE ~~! 好神奇o架~!
