試過「訓矮頸」嘅人都知道有幾痛苦, 訓醒覺一起身條頸僵硬疼痛, 個頭稍為郁少少已經好痛! 有時成個星期都未好返, 甚至反覆發作, 嚴重影響日常生活, 究竟可以點算好?
大家平時講嘅「瞓矮頸」或者「瞓厲頸/瞓捩頸」, 中醫稱為落枕, 西醫則稱為急性頸椎關節周圍炎 (Acute cervical fibrositis), 「瞓捩頸」其實係一種急性的頸部肌肉痙攣和發炎, 因頸部肌肉長時間受到牽張而導致勞損, 再加上誘發因素例如睡覺時頸部受寒、睡姿不良及枕頭不合適而造成的. 患者通常瞓覺前無事, 但瞓醒後即時感到頸痛兼且無法靈活郁動, 例如低頭、抬頭、左右兩邊旋轉及頭部打側都會出現活動受限, 感到疼痛及肌肉繃緊腫脹, 嚴重者更會伴隨頭痛, 甚至連吞嚥、說話等細微動作都會引發疼痛.
同大家分享一個急救「訓矮頸」嘅特效穴位~ 佢就係名副其實嘅”落枕穴”! 若果一覺醒來發現自己真係唔好彩同「訓矮頸」相遇上, 只要自行按壓呢個穴位, 就可以促進經脈氣血運行, 快速舒緩落枕嘅痛楚~
“落枕穴”, 正式穴名叫”外勞宮”, 位於手背上食指和中指骨之間, 順著指縫往下約1.5cm的地方 (見上圖), 在尋找穴位時如果按下去會有痠脹感 (特別落枕時會更痠痛), 咁就代表按對了~ 呢個穴位係治療落枕嘅特效穴, 落枕發生嘅時候, 可以先按壓同側穴位, 即係左邊頸部落枕就按左手背上的落枕穴, 右邊則按右手, 如果沒辦法分辨, 兩手都按也沒有問題.
按摩手法：
以拇指揉按穴位, 力度由輕到重, 緩慢施力, 用力時間約為3秒, 穴位按摩5分鐘, 以微脹痛即可. 在用力按壓穴位的同時, 可以同步輕輕緩慢轉動頸部以紓緩肌肉緊張, 頸部肌肉就會自然慢慢鬆開. 轉動時以基本不出現疼痛的最大幅度為限.
呢個穴位亦可以作保健之用, 大家長時間坐喺電腦面前工作, 平時又會成日低頭玩電話, 好容易造成肩頸肌肉緊繃甚至僵硬痠痛, 只要周不時按摩下呢個穴位, 就可以有助於氣血循環, 能夠即時紓緩肌肉繃緊嘅狀況, 預防瞓捩頸同埋頸椎病!
