剛剛玩完一場 ACC 線上賽事，想要舒發下。近日一直在 lowfuelmotorsport 玩 ACC 的線上比賽，我提升 Safety Rating 安全分到4.5，差不多可以離開新手場，進入高一規格的賽事。
新年過後見到很多新玩家加入，等待時已見到我的分組有9名新手（還未完成10場賽事），打算不參與Qualify，直接在隊尾起步，希望在第一圈避免碰撞。
總共25架車，我排21起步，後面還有4架車，我都讓他們先行，我主要目標是再拿0.5分便可升級。
第一圈果然有幾個車手失事，墮落隊尾。到了第2圈我前方仍有一大堆車，pace仍慢，一名10號車手追貼上來。
我心諗，「如果你快我就讓你過」，但幾個彎後唔覺好快，反而仲閃燈，bump tap我。
之後有個彎，早咗少少brake，比佢大力隊一下失控，而10號車就揚長而去。
唔知點解無名火起，我憤力追趕，每次追近就狂閃燈回敬。我倆圈速差不多，所以我超越唔到，閃咗幾個圈燈，keep住浮燥，漸漸我的操控都走下坡，開始多失控，對後一圈仲撞牆返pit。安全分被倒扣0.32。
開頭仲諗住保留返個replay，點知一下離開咗忘記了。
下星期再努力升Safety Rating。
結語
人受挑釁就容易浮燥，浮燥就會衝動，衝動就會失去平時的技術，並且會招來致命危險。遠離最初的目標。之所以劇集電影咁鍾意用「報仇」做主題，似乎就係想人類遠離各自嘅目標。
人間處處是道場，估唔到除了股市，我都可以在模擬賽車認識自己。🤣
如何在腎上腺素急升時仍可保持冷靜，都幾難。
另一方面，10號車同我一樣都在隊尾，點解要咁aggressive 呢？如果放慢腳步，我倆步調差唔多，等車胎暖咗再鬥10個 clean laps 咪幾好。
